Ընթերցանություն
Գլխավոր>Տոներ>Հայսմավուրք> Վերստին Քրիստոսի` Աստծո Ծննդյան և Հայտնության Տոն է. Հիշատակ Բեթղեհեմի Սուրբ մանուկների (ըստ Հայսմավուրքի)

Վերստին Քրիստոսի` Աստծո Ծննդյան և Հայտնության Տոն է. Հիշատակ Բեթղեհեմի Սուրբ մանուկների (ըստ Հայսմավուրքի)

Այսօր Բեթղեհեմի Սուրբ մանուկների հիշատակն է: Ամբարիշտ Հերովդեսը առաջինն էր այլազգիներից, ով թագավորեց Երուսաղեմում և ամբողջ Հրեաստանում: Նա մորով հրեա էր, հորով՝ հեթանոս, Անտիպատր Ասկաղոնացու որդի և Հյուրկիանոս քահանայապետի թոռն էր: Սրա թագավորության երեսուներկուերորդ տարում ծնվեց մեր Տեր Հիսուս Քրիստոսը Հրեաստանի Բեթղեհեմ քաղաքում, Սուրբ Կույս Մարիամից: Եվ Արևելքից մոգերը՝ երեք թագավոր 12 հազարապետերով եկան Նրան երկրպագելու՝ Աստծո հրեշտակի առաջնորդությամբ, ով աստղանման գնում էր նրանց առջևից, և դարձյալ գնացին իրենց երկիրը (Մատթեոս 2.1-12): Հերովդեսը, լսելով դրա մասին, սաստիկ բարկացավ և ուղարկեց կոտորելու Բեթղեհեմի բոլոր մանուկներին, որ երկու տարեկան ու ավելի փոքր հասակի էին, ըստ ժամանակի, որ ստուգեց մոգերից: Եվ կոտորվեցին թվով 14 162 մանուկ ութսունչորս գյուղերում:


Հերովդեսը այրեց հրեաների բոլոր սուրբ գրքերը և խափանեց քահանայությունը: Որովհետև անիրավությամբ տիրացավ վակասին (* քահանայական զգեստի մաս, քահանայության խորհրդանիշ) և տալիս էր վճարով ու կաշառքով անարժաններին: Սա բերեց Բաբելոնից Անանեին և դարձրեց քահանայապետ Մինամին, որ ղևտացի չէր: Նրանից հետո քահանայապետ դարձրեց Արիստաբուլոսին` Հյուրկիանոսի որդուն, իր քեռուն: Եվ ինքը, ընկնելով չարաչար հիվանդության մեջ, սաստիկ ցավերից տառապելով, սպանեց իր կնոջը ու իր որդիներից երեքին և ապա ինքնասպան եղավ` մարմնի սաստիկ ցավերի պատճառով: Եվ վերացավ չարը ու այնպիսի չարությամբ կորավ ամբարիշտը և չտեսավ Աստծո փառքը:


ՍԵԵՄ լրագրողական ակումբ
 

Դիտվել է 1207
2015.01.08
Հարց Քահանային
Ինչպե՞ս
Հայտարարություն
Լսել քարոզներ
Հղումներ հոգևոր էջեր
Ընթերցել նաև
Website by A. Grigoryan
aramgrig@hotmail.com
Mail
+374 93532025
Tel.